Bülbül adına 2 nömrəli Uşaq İncəsənət Məktəbində konsert keçirilib. Sumqayıt24 bu haqda 12 may tarixində xəbər verir.
Tədbir ümummilli lider Heydər Əliyevin 100 illik yubileyinə həsr olunub. Müəllim İlham Həsənovun bədii rəhbəri olduğu məktəb xalq çalğı alətləri orkestrinin çıxışı ilə mərasimə start verilib.
Sonra IV Respublika Müsabiqəsində uğurlar qazanan Nuray Şahsuvarlı, Xatun Baharlı və Aytac Verdiyeva, Əməkdar müəllim Firəngiz Xəlilovanın bədii rəhbərliyi ilə “Şəfəq” uşaq xoru, məktəbin müəllimi Asəf Amanovun rəhbərliyi ilə “Ümid” rəqs kollektivi və başqaları konsertdə çıxış ediblər.
Sonda Rəssamlıq şöbəsinin şagirdlərinin yubileyə həsr olunan əsərlərinə baxış keçirilib.
