Sumqayıtda sakinlər yüksək gərginlikli elektrik dirəyinin yerinin dəyişdirilməsindən narazıdırlar. Bu haqda 17 may tarixində Sumqayıt24 xəbər verir.
Bu hal İnşaatçılar qəsəbəsinin gecəqondu məhəlləsi adlanan ərazisində müşahidə olunur. Sakinlərin sözlərinə görə, yaşayış evlərinin yaxınlığında yüksək gərginlikli elektrik dirəyinin quraşdırılması onlara təhlükə yaradır.
“Azərenerji” ASC-nin Sumqayıt şəhər Yüksək Gərginlikli Elektrik Şəbəkə MMC-nin iş icraçısı Rasim Ağamirov "Xəzər Xəbər"ə bildirib ki, onlar ərazidə işi tam qanunauyğun şəkildə icra edirlər:
“Ərazidə yaşayan sakinlər vaxtı ilə burada məskunlaşarkən Yüksək Gərginlikli Elektrik Şəbəkə MMC-nin elektrik dirəkləri orada mövcud olub”.
Sakinlər ərazidə yaranmış problemlə bağlı məhkəməyə müraciət edəcəklərini bildiriblər.
