Sumqayıtda mikrorayonlardan birində yolun vəziyyəti sakinlərin narazılığına səbəb olub.
Sumqayit24.az-a bu barədə 10-cu mikrorayon ərazisinin sakinləri məlumat veriblər.
Vətəndaşların sözlərinə görə, ərazidə yol uzun müddətdir baxımsız vəziyyətdədir. Xüsusilə yağışlı havalarda yolda yaranan çala-çuxurlar su ilə dolur. Bu isə həm piyadaların, həm də nəqliyyat vasitələrinin hərəkətini çətinləşdirir.
Sakinlər bildiriblər ki, sözügedən yol ərazidə ən çox istifadə olunan və gediş-gəlişin intensiv olduğu yollardan biridir.
"Bu yolu daha çox piyadalar istifadə edir və işlək yoldur. Lakin mövcud vəziyyətə görə gediş-gəlişdə ciddi problemlər yaranır", - sakinlər qeyd ediblər.
Onlar aidiyyəti qurumlardan əraziyə baxış keçirilməsini və yolun vəziyyətinin yaxşılaşdırılmasını xahiş edirlər.
