Sumqayıtda “Biblioqrafiya günü” adlı tədbir baş tutub. Bu barədə 13 sentyabr tarixində Sumqayıt MKS-yə istinadən xəbər veririk.
Tədbir S.Vurğun adına Mərkəzi kitabxananın oxu zalında təşkil olunub. Kitabxananın mütəxəssisləri “Biblioqrafiya günü, Məlumat günü və Mütəxəssis gününün keçirilməsi metodikası”, “Rüblük və illik biblioqrafik hesabatın, planın yazılması qaydası”, “Biblioqrafik təsvir qaydaları”, “Elektron kataloqda axtarış” mövzularında çıxış ediblər. Daha sonra yığıncaqda MKS-nin qabaqcıl mütəxəssisi olan Nazxanım Cəfərova könüllü iştirak edərək gənc mütəxəssislərə ixtisas dərsləri keçib. Sonra tədbir iştirakçıları “Biblioqrafiq vəsaitlər – sənin köməkçindir”, “Məlumat nəşrləri” adlı sərgilərlə tanış olublar.
