Toyuq əti, müxtəlif çeşiddə süd, kərə yağı, sosiska və kolbasa məhsullarının istehsalı və satışı ilə məşğul olan “Səba” şirkəti məhkəməyə verilib.
Tribunainfo.az xəbər verir ki, iddianı “Bestvest” MMC qaldırıb. İşin mahiyyəti müqavilələrdən əmələ gələn öhdəliklər üzrə mübahisədir. Tərəflər arasında alqı-satqı müqaviləsi üzrə mübahisə yaşanır. “Səba” şərtlərə əməl etmədiyi üçün məhkəməyə verilib.
İşə növbəti ilin 8 yanvar tarixində hakim Həlimə Alıyevanın sədrliyi ilə Sumqayıt Kommersiya Məhkəməsində baxılacaq.
Qeyd edək ki, “Səba” ASC-nin İdarə Heyətinin sədri Faiq Hüseynovdur.
