Sumqayıt Dövlət Universitetində (SDU) Beynəlxalq Müəllimlər Günü ilə əlaqədar tədbir keçirilib. Bu haqda 5 oktyabr tarixində Sumqayıt24 xəbər verir.
İlk öncə universitetin rektoru Rüfət Əzizov tədbirdə iştirak edən professor-müəllim heyətini salamlayıb və onlara ən xoş arzularını çatdırıb.
Daha sonra universitetin ictimai həyatında yüksək fəallıq göstərdiklərinə, səmərəli elmi-pedaqoji fəaliyyətlərinə görə bir qrup müəllim universitet rəhbərliyi tərəfindən Fəxri Fərman və hədiyyələrlə təltif olunub.
Rektor Rüfət Əzizov Əməkdar müəllim professor Zəfər Hüseynovu uzunmüddətli səmərəli elmi-pedaqoji fəaliyyətinə, universitetin ictimai işlərində fəal iştirakına görə və anadan olmasının 70 illik yubileyi münasibətilə təbrik edib, Fəxri Fərman və pul mükafatı ilə təltif edib.
