Sumqayıtda yaşıllığın qurumasına münasibət bildirilib. Sumqayıt24 bu haqda 27 iyun tarixində xəbər verir.
Daha əvvəl xəbər verdiyimiz kimi, Nəsimi adına Mədəniyyət və İstirahət parkında qocaman ağaclar quruyaraq aşır. Parkdan yaranmış vəziyyətlə bağlı açıqlama verilib:
“Ərazidəki kök üstdə quru 261 ədəd şam, sərv və qarağac ağaclarının götürülməsi ilə bağlı görülən işlər mütləq “Yaşıllıqların götürülməsi Qaydası”na uyğun həyata keçirilməlidir. Bu işlərin nəticəsi barədə rəsmi məlumat (təsdiqedici sənədlərlə) aidiyyəti üzrə 4 saylı RETSİ-yə təqdim edilməlidir”.
Quruyan ağacların götürülməsi ilə bağlı Ekologiya və Təbii Sərvətlər Nazirliyinin (ETSN) müvafiq rəyi də var.
İcra Hakimiyyətindən isə bildirilib ki, müvafiq qurumlar əraziyə baxış keçirəndən sonra ağaclar götürüləcək:
“Parkda yeni ağaclar əkiləcək”.
