Sumqayıtda yaşayış massivlərindən birində bankomat qıtlığının yaşandığı bildirilir.
Bu barədə Sumqayit24.az-a Hacı Zeynalabdin qəsəbəsi, Şirvan yaşayış massivində yaşayan vətəndaşlar məlumat veriblər.
Sakinlərin sözlərinə görə, sözügedən ərazidə yalnız bir bankomat fəaliyyət göstərir.
Vətəndaşlar qeyd ediblər ki, başqa banka məxsus kartdan istifadə edən şəxslər pul çıxarmaq üçün ərazidən kənara getməyə məcbur qalırlar.
"Əlacsızlıqdan maaş kartımdakı pulu çıxarmaq üçün qəsəbədən şəhərə getməli oluram. Bu isə əlavə xərc və vaxt itkisinə səbəb olur", - deyə vətəndaşlardan biri narahatlığını ifadə edib.
Sakinlər aidiyyəti qurumlardan məsələyə diqqət yetirilməsini və ərazidə mövcud problemin həll edilməsini xahiş edirlər.
