Elm və təhsil naziri Emin Əmrullayev qəbul keçirib.
Sumqayit24.az xəbər verir ki, Abşeron rayonunda baş tutan görüşdə yerli sakinlərdən başqa Sumqayıt, Xızı, Qubadlı və Zəngilandan olan vətəndaşlar da iştirak ediblər.
Qəbul zamanı sakinlər işlə təmin olunma, iş yerinin dəyişdirilməsi, tələbə köçürülməsi, həmçinin digər məsələlərlə bağlı müraciətlər ediblər.
Elm və təhsil naziri qəbula yazılan vətəndaşları dinləyib, müraciətlərin operativ şəkildə araşdırılması, qaldırılan məsələlərin qanunvericiliyə uyğun həlli istiqamətində nazirliyin aidiyyəti qurumlarının rəhbərlərinə tapşırıqlar verib.
