Novxanı qəsəbəsində dənizin çirkləndirildiyi iddia olunur.
Sumqayit24.az-a müraciət edən yerli sakinlər bildirirlər ki, son bir neçə gün ərazidəki restoranların birindən mavi Xəzərə borular çəkilir. Onlar bu boruları çirkab suların dənizə axıdılması üçün quraşdırıldığını düşünürlər.
“Aidiyyəti qurumlar əraziyə baxış keçirsələr yerin altı ilə gedən boruları, onlardan sahilə və dənizə axıdılan çirkabı görərlər. Hazırda əraziyə cəlb olunan texnika daha bir neçə boru çəkir.
Camaat bu çimərlik mövsümündə burada üzür, istirahət edir. Kanalizasiya suları isə dənizi murdarlayır, ətrafa üfunət yayır və xəstəlik mənbəyinə çevirir.
Ekologiya və Təbii Sərvətlər Nazirliyindən təxirəsalınmaz tədbirlərin görülməsini xahiş edirik”, - deyə vətəndaşlar əlavə ediblər.
View this post on Instagram
