Sumqayıtda partlayışda sağ qalan 2 nəfərin öldüyü iddia olunur.
Sumqayit24.az-a daxil olan məlumatlara görə, 13-cü mikrorayonda mənzilin partlaması nəticəsində xəsarət alan Ramin Əliyev, övladları Ayxan və Familə xəstəxanaya yerləşdiriliblər. Lakin iddia olunur ki, ata və oğul bu gün müalicə aldıqları “Məlhəm” Beynəlxalq Hospitalında vəfat ediblər.
Redaksiyamızın əməkdaşı məsələni dəqiqləşdirmək üçün tibb ocağı ilə əlaqə saxlayıb. Hospital tərəfindən iddiaların əssasız olduğu, hər üç nəfərin Reanimasiya şöbəsində müalicələrinin davam etdirildiyi bildirilib:
“Vəziyyətləri ağır olaraq qalır”.
