"Altın Kurt" ləqəbli peşəkar kikboksçu Bəhram Rəcəbzadə müsahibə zamanı Rafael Ağayevlə bağlı əhvalatı bölüşüb. Bu haqda 24 iyun tarixində Sumqayıt24 məlumat verib.
Bəhram Rəcəbzadə CBC Sport kanalında yayımlanan “Bizim İdman” verilişinin qonağı olarkən “Qara brilliant”la bağlı fikirləri ilə bölüşüb:
“Rafael Ağayev bizim fəxrimiz, dostumuz, qardaşımızdır. Çox sadə bir insandır. Keçən dəfə ailə ilə restorana gedəndə Rafael də orada idi. Yaşca balaca olduğuma görə yaxınlaşıb onunla görüşdüm. Daha sonra ofisianta dedim ki, Rafael çempionumuzdur, fəxrimizdir, hesabını mən ödəyəcəm. Sonda məlum oldu ki, hesab artıq Rafael tərəfindən ödənilib”.
