Sumqayıtlı zabit yüksək rütbəyə layiq görülüb. Sumqayıt24 bu haqda 27 iyun tarixində Qafqazinfo.az-a istinadən xəbər verir.
Prezident İlham Əliyevin imzaladığı Sərəncamla Müdafiə Nazirliyinin 5 hərbi qulluqçusuna general-mayor ali hərbi rütbəsi verilib. Həmin hərbçilərdən biri Elmir İbrahimovdur.
O, əslən Sumqayıtdandır. Əvvəllər Daxili Qoşunların N saylı hərbi hissəsinin komandiri olub. Daha sonra Müdafiə Nazirliyində xidmətini davam etdirib. Birinci və İkinci Qarabağ müharibələri iştirakçısıdır. Vətən müharibəsinə xüsusi təyinatlı komandir kimi qatılıb.
