QAC Sumqayıt şəhər bölməsində könüllülərə maarifləndirici təlim baş tutub. Bu haqda 15 sentyabr tarixində Sumqayıt24 xəbər verir.
Bir günlük təlim “İcmaəsaslı Su, Sanitariya ve Gigiyena” mövzusuna həsr edilib. Təlimdə Türk Kızılayın Azərbaycandakı nümayəndəsi Hüseyn Çitak və Az.QAC-nin Sağlamlıq və Qayğı şöbəsinin müdiri Əminə Cabbarova tərəfindən könüllülərə şəxsi gigiyena, dəri və ağız, düzgün əl yuma qaydası və reproduktiv sağlamlıq haqqında məlumat verərək, praktiki nümayişlər göstərilib.
Günün ikinci yarısı təlimdə öyrənilən mövzular könüllülər tərəfindən qrup şəklində müzakirə olunaraq təqdimatlar hazırlanıb. Könüllülər öyrəndikləri məlumatları təhsil ocaqlarında şagirdlərlə paylaşacaqlar.
