Qızıl Aypara Cəmiyyətinin (QAC) Sumqayıt şəhər bölməsinin hesabat-seçki konfransı baş tutub. Bu haqda 27 iyun tarixində Sumqayıt24 xəbər verir.
YAP Şəhər Təşkilatının akt zalında təşkil olunan tədbirdə QAC-nin Sumqayıt Regional Mərkəzinin koordinatoru Mətanət Məhərrəmova 2021-2024-cü illər üzrə şəhər bölməsinin fəaliyyətini əks etdirən hesabatı təqdim edib. Çıxışlarda bölmənin 3 ildə gördüyü işlərə qiymət verilib. Sonra təşkilati məsələlərə baxılıb.
Acıq səsvermə yolu ilə Şəhriyar Əliyev bölmənin sədri, Lalə Cəlilzadə sədr müavini seçiliblər. Nizamnaməyə əsasən, İdarəetmə şurasının heyəti, mandat və maliyyə komissiyasının üzvləri seçiliblər. Həmçinin Azərbaycan Qızıl Aypara Cəmiyyətinin XXVII Baş Məclisinə 5 nəfərdən ibarət nümayəndə seçilib.
Sonra uzun illər bölmə ilə əməkdaşlıq edən təşkilatlara Cəmiyyətin fəxri fərmanları təqdim edilib. Konfrans “Aypara” himninin səsləndirilməsi ilə başa çatıb.
