Sumqayıtda Qaçaq Nəbinin nəticəsi ilə görüş keçirilib. Sumqayıt24 bu haqda 26 iyun tarixində DünyaTV-yə istinadən xəbər verir.
Görüş Qubadlı Rayon İcra Hakimiyyətinin binasında təşkil olunub. İcra başçısı Malik İsaqov Xalq qəhrəmanının soy-kökündən olan Mehmet Elturanı və digər qonaqları qarşılayıb. Onlara Nəbinin həyatından danışılıb.
Sonra Mehmet Elturana söz verilib. O bildirib ki, 1951-ci ildə Türkiyənin Qars vilayətində doğulub. Vilayətin Sarıqamış bölgəsində böyüyüb. 24 yaşında Avstraliyaya köçüb. Hazırda Melburn şəhərində yaşayır. Burada müxtəlif vəzifələrdə çalışıb. İndi isə təqaüdçüdür.
Mehmet qeyd edib ki, onun atası Qaçaq Nəbi və Həcər xanımın oğlu Əhmədin övladı Mehralıdır. Sonda ona hədiyyə təqdim edilib.
