Sumqayıtda deportasiya edilmiş qərbi azərbaycanlılarla görüş keçirilib. Sumqayıt24 bu haqda 11 sentyabr tarixində xəbər verir.
Tədbir Qərbi Azərbaycan İcması Sumqayıt şəhər nümayəndəsi və üzvləri tərəfindən H.Z. Tağıyev qəsəbəsində təşkil olunub. Görüşü İcra Hakimiyyəti başçısının inzibati ərazi dairəsi üzrə nümayəndəsi Lalə Hacıyeva açıb.
İcmanın Sumqayıt şəhəri üzrə nümayəndəsi Ramiz İsmayılov digər icma üzvlərini görüş iştirakçılarına təqdim edib. O, qarşıda duran məsələlərdən danışıb, icma üzvlərinin bir-biri ilə koordinasiya yaratması tövsiyəsini verib.
Növbəti çıxışçılar – təhsil işçisi Niyaz Süleymanlı, Hacı Zeynalabdin qəsəbə Ağsaqqallar Şurasının sədri Arif Qafarov, Sumqayıt şəhər Təbiət Elmləri Təmayüllü Gimnaziyasının direktoru Nizami Əhmədov, icma uzvü Cəmilə Fəyaz və politoloq Elçin Abdullayev qərbi azərbaycanlıların haqq səsinin yayılması istiqamətində fəallıq göstərməyə çağırıblar.
Görüşün sonunda bu işlərin təşkili və nəzarəti qəsəbə sakini, Qərbi Azərbaycan kökənli İlyas Hüseynova tapşırılıb.
