“Manatlıq” avtobusların ləğvi Sumqayıtda ciddi narazılıqla qarşılanıb. Sumqayıt24 bu barədə 22 may tarixində xəbər verir.
Bakıya getmək istəyən sakinlər ilk öncə avtobusa minib Sumqayıt avtovağzalına getməli, oradan Bakının avtovağzalına, buradan da avtobusa və ya metroya minərək şəhərə daxil olmalıdırlar. Axşamlar isə eyni qayda ilə evə dönməlidirlər.
Bununla da 1000-lərlə həmşəhərlimiz həm vaxtını itirir, həm də əlavə xərcə düşür.
Qeyd edək ki, Dövlət Yol Polisi şöbəsinin və Yerüstü Nəqliyyat Agentliyinin işçiləri avtovağzal və “Heydər” parkının yanında dayanaraq mikroavtobusları əraziyə buraxmırlar.
