Qubadlı Rayon İcra Hakimiyyəti Novruz Bayramı münasibəti ilə Sumqayıtda tədbir keçirib.
Sumqayit24.az xəbrə verir ki, 28 May Mədəniyyət evinin qarşısında baş tutan tədbirdə Rayon İcra Hakimiyyətinin başçısı Malik İsaqov, Hüquq-mühafizə orqanları, YAP Qubadlı rayon təşkilatının rəhbərliyi, RİH-nin məsul işçiləri, idarə-müəssisə, təşkilat rəhbərləri və kollektivləri, RİHB-nin inzibati ərazi dairəsi üzrə nümayəndələri, Şəhidlərimizin ailə üzvləri, yaxınları, ağsaqqallar, ziyalılar, Vətən müharibəsi iştirakçıları, qazilər, fəal gənclər, məktəblilər, idmançılar və ictimaiyyət nümayəndələri iştirak ediblər.
28 May Mədəniyyət evinin qarşısında Novruz tonqalı qalanıb. Sonra konsert keçirilib, bayram atributları olan Bahar qızı, Kosa və Keçəlin iştirakı ilə şən musiqi nömrələri, rəqslər ifa olunub.
Novruz bayramına həsr olunan konsert proqramında respublikanın tanınmış müğənniləri və Şərqi Zəngəzur Regional Mədəniyyət İdarəsinin Qubadlı rayon nümayəndəliyi tərəfindən mahnılar ifa olunub, müxtəlif rəqs nömrələri nümayiş etdirilib, şeirlər səsləndirilib.
Eyni zamanda tədbirdə rayondan olan idmançılar nümunəvi çıxışlar nümayiş etdiriblər.
