Sumqayıtda qurbanlıq qoyunların onlayn satış yarmarkası təşkil olunacaq. Bu haqda bu gün, 5 iyul tarixində Kənd Təsərrüfatı Nazirliyinə istinadən xəbər veririk.
Qurbanlıqların onlayn şəkildə sifarişi elektron portal vasitəsilə həyata keçiriləcək. Vətəndaşlar satın almaq istədikləri qurbanlıq qoyunun dəyərinin bir hissəsini (20 manat) onlayn sifariş etdikləri zaman portal üzərindən, məbləğin qalan hissəsini isə satış məntəqəsindən qurbanlığı əldə etdikləri zaman ödəyəcəklər.
Sifariş qəbul edildikdən sonra vətəndaşların mobil telefonuna təsdiq barədə SMS-bildiriş göndəriləcək. Daha sonra vətəndaşlar seçdikləri tarix və saatda müvafiq ünvana yaxınlaşaraq mobil telefonlarına göndərilmiş təsdiq bildirişini göstərməklə sifariş etdikləri qurbanlığı əldə edə biləcəklər.
Qurbanliq.kendden.az elektron portalı 5 iyul 18:00-dan 8 iyul 18:00-dək sifarişlər üçün açıq olacaq. Sifarişi Çerkassi küçəsi, 53-cü məhəllədən təhvil almaq mümkün olacaq.
