Sumqayıtlı qrosmeyster şahmat Olimpiyadasında iştirak etməyəcək Teymur Rəcəbova qəzəblənib. Bu haqda bu gün, 21 iyul tarixində Vasif Durarbəylinin Facebook hesabına istinadən xəbər veririk.
Şahmat Federasiyası tərəfindən hələ heç bir açıqlama verilməyib. Lakin şahmatçımızın paylaşımından bəlli olur ki, bu məsələ ilə bağlı qərar artıq qəbul edilib.
“Bu dəfə Azərbaycanın ilk olimpiya medalı qazanmaq üçün tarixi şansı yaranmışdı. Prinsipcə hələ də itməyib, lakin açıq danışmaq lazımdırsa, Azərbaycanda Rəcəbovu əvəzləyəcək şahmatçı yoxdur və onun getməməsi medal şansını xeyli azaldır.
Bu məqamda xatırlatmaq yerinə düşər ki, Rəcəbovun bu mövqeyə yetməsi üçün dövlət milyonlar xərcləyib. Təbbi ki, belə borcu ödəmək mümkünsüzdür. Fəqət, ən azından şəxsi şahmata davam edilən müddətdə yığmada oynamaq şərtdir. Şəxsi turnirlərdə hər kəs sırf öz mənfəəti, yığmada isə ümumi xeyir üçün iştirak edir”, - deyə Vafiq öz paylaşımında qeyd edib.
Həmçinin, Teymur Rəcəbov bu ay baş tutan “Road to Miami” turnirini 5-ci turdan sonra səhhətinə görə tərk edib.
Qeyd edək ki, Şahmat Olimpiadası 28 iyul – 10 avqust tarixlərində Hindistanın Çennay şəhərində keçiriləcək.
