“Reabilitasiya avtobusu” artıq xeyli sayda vətəndaşa xidmət göstərib. Sumqayıt24 bu haqda Dövlət Tibbi-Sosial Ekspertiza və Reabilitasiya Agentliyinə istinadən xəbər verir.
Sözügedən avtobus Sumqayıt şəhəri, Masazır qəsəbəsi, 20 Yanvar dairəsi, Koroğlu metro stansiyasında təyin olunmuş gözləmə məntəqələrindən uşaqları götürərək Bakı şəhərindəki 2 saylı Uşaq Reabilitasiya Mərkəzinə çatdırır.
Layihənin məqsədi Bakı və ətraf ərazilərdə yaşayan əlil uşaqların nəqliyyat problemini aradan qaldırmaq, ambulator və icmaəsaslı reabilitasiya xidmətlərinə əlçatanlığını artırmaqdır.
Qeyd edək ki, fəaliyyətə başladığı gündən 150-dən çox əlilliyi olan azyaşlı avtobusdan istifadə edib.
