Sumqayıtlı rejissor Lənkəranda çıxış edəcək. Sumqayıt24 bu barədə 13 sentyabr tarixində xəbər verir.
Lənkəran şəhərində IV Sevil Beynəlxalq qadın sənədli film festivalı keçiriləcək. Tədbirin proqramı aşağıdakı kimidir:
16 sentyabr saat 14:00-da “O biri otaq”da baş tutacaq açılış mərasimində iştirakçılar festivallardan seçmələr bölməsinin önəmli filmlərindən olan “Mənim adım Mutludur” filmini izləyəcəklər.
Həmin gün saat 16:30-da isə həmşəhərlimiz Mətləb Muxtarovun “Kino və Mifologiya” adlı mühazirəsi olacaq. O, kino fəlsəfəsində xüsusi yeri olan və nüfuzlu dünya rejissorlarının müraciət etdiyi mifologiyanın kinodakı izlərini axtaracaq.
Qeyd edək ki, Mətləb Muxtarov 1988-ci ildə Sumqayıt şəhərində anadan olub. O, Azərbaycan Dövlət Mədəniyyət və İncəsənət Universitetində kinoşünaslıq ixtisası üzrə təhsil alıb. Bir müddət Türkiyədə reklam və serial sektorunda fəaliyyət göstərib. Sonra Azərbaycanın müxtəlif telekanallarında rejissor işləyib. Peşəsindən əlavə, ədəbiyyat, mifologiya və fəlsəfə ilə maraqlanır.
