Sumqayıt şəhər 5 nömrəli məktəbində "Narkomaniyaya yox deyək" adlı tədbir keçirilib. Bu haqda 28 dekabr tarixində Sumqayıt24 xəbər verir.
Gənclərin sağlam gələcəyi üçün təşkil olunan maarifləndirici görüşdə məktəbin tərbiyə işləri üzrə direktor müavini Arzu Əliyeva, psixoloq Xəyalə Hacılı, tədris ocağının müəllimi Mətləb İmanov, tibb bacısı İlkanə Məmmədova çıxış ediblər.
Məktəblilərə insanların həyat və sağlamlığına ciddi təhlükə yaradan, cinayətkarlığın artmasına təkan verən, bəşəriyyətin ən böyük bəlalarından sayılan narkomaniyanın fəsadları barəsində ətraflı məlumat veriblər.
