Bu gün şəhid gizir, kəşfiyyatçı - snayper Elmar Nəsibovun doğum günüdür. O, 19 sentyabr 1987-ci ildə Sumqayıtda anadan olub.
Bu münasibətlə 4-cü mikrorayonda, yaşadığı binanın önündə ona həsr edilmiş barelyefin açılışı baş tutub. Sumqayit.tv-nin məlumatına görə, saat 12:00-da N. Nərimanov klubunda, ardından isə “Ceyran” Şadlıq sarayında tədbir keçirilib.
"Şahin gözlü” ləqəbi ilə tanınan Elmar Nəsibov Cəbrayıl və Füzuli rayonları istiqamətində gedən döyüşlərdə vuruşub. 12 oktyabr 2020-ci ildə isə şəhidlik zirvəsinə ucalıb.
Ölümündən sonra “Vətən uğrunda” və “Füzulinin azad olunmasına görə” medalları ilə təltif edilib.
