Sumqayıtda şəhid Emil İsgəndərovun anım tədbiri keçiriləcək. Bu haqda 30 iyul tarixində Facebook sosial şəbəkəsinə istinadən məlumat veririk.
Mərasim avqustun 5-i, şəhidin doğum günündə baş tutacaq. Tədbirin əvvəlində, saat 10:30-dan 11:30-dək Şəhidlər Xiyabanı ziyarət ediləcək. Daha sonra, 12:30-dan etibarən tədbir N.Nərimanov adına Mədəniyyət evində davam edəcək. Saat 13:00-da şəhidimizin yaşadığı ünvanda, (9-cu mkr, bina 9V) həyət mağarında ehsan süfrəsi veriləcək. İştirak etmək istəyən hər kəs dəvətlidir.
Daxili Qoşunların Xüsusi Təyinatlı Dəstəsinin giziri Emil Vaqif oğlu İsgəndərov ölümündən sonra "Vətən uğrunda" və "Şuşanın azad olunmasına görə" medalları ilə təltif edilib.
