Bu gün Sumqayıtda Vətən müharibəsi şəhidi Ruslan Məmmədovun anım mərasimi keçirilir. Sumqayıt24 bu barədə 1 oktyabr tarixində xəbər verir.
Anım mərasimi ilk öncə Şəhidlər xiyabanında Ruslanın məzarını ziyarət etməklə başlanılıb. Burada şəhidimizin məzarının önünə gül dəstələri düzülüb və ruhuna dualar oxunub. Daha sonra yaşadığı 6-cı mikrorayonda Məmmədovun xatirəsinə inşa edilən xatirə guşəsinin açılış mərasimi keçirilib. Açılış mərasimində ictimaiyyət nümayəndələri, şəhidin doğma və yaxınları, döyüş yoldaşları və yerli sakinlər iştirak ediblər. Mərasim ehsan süfrəsi ilə davam edəcək.
Ruslan Ramiz oğlu Məmmədov ölümündən sonra "İgidliyə görə", "Laçının azad olunması", "Suqovuşanın azad olunması" və “Vətən uğrunda” medalları ilə təltif edilib.
