Xəzər dənizinin Sumqayıt və Novxanı qəsəbəsinə düşən hissələri çirkləndirilir. Sumqayıt24 bu haqda 6 iyun tarixində xəbər verir.
Sahilboyu ərazilərdə fəaliyyət göstərən restoranlardan kanalizasiya və çirkab sular dənizə axıdılır. Bu isə Xəzərdə ekolojı tarazılığı pozur, çimməyə gələn insanlar üçün ciddi xəstəlik mənbəyinə çevrilir.
“Azərsu” ASC-dən “Space News”-a verilən məlumata görə, Ələt qəsəbəsindən Sumqayıt şəhərinə qədər sahilboyu ərazilərdə 11 ədəd tullantı su qurğusunun tikintisi və yenidən qurulması layihələndirilib.
Qurumun mətbuat katibi Anar Cəbrayıllı da məsələlə ilə bağlı açıqlama verib:
“Zabrat istiqamətindən kanalizasiya kollektorunun bir hissəsi hazırdır, digər hissəsinin tikintisi davam etdirilir. Növbəti mərhələlərdə artıq həm Nardaran, həm Novxanı istiqamətində həmin qurğuya əsas daşıyıcı sahilboyu kollektorlarının tikintisi həyata keçiriliəcək”.
Qeyd edək ki, içməli su və kanalizasiya probleminin 2035-ci ilə qədər tamamlanması nəzərdə tutulur.
