Sumqayıt şəhər 4 nömrəli Ailə Sağlamlıq Mərkəzinin əməkdaşları maarifləndirici tədbir keçiriblər. Bu haqda 26 oktyabr tarixində Sumqayıt24 STM-ə istinadən məlumat verir.
“Uşaq hüquqları aylığı” çərçivəsində təşkil olunan tədbir 41 saylı körpələr evi-uşaq bağçasında və 13 nömrəli tam orta məktəbdə baş tutub.
Səhiyyə işçiləri çıxışlarda bildiriblər ki, uşaqların daim diqqət mərkəzində saxlanması, onların vaxtında müayinə, müalicələri istiqamətində davamlı tədbirlərin görülməsi vacib amillərdəndir. Uşaqlarda profilaktik peyvəndin əhəmiyyəti ilə bağlı valideynlərə ətraflı məlumat verilib.
Qarşılıqlı fikir mübadiləsi şəraitində keçən tədbirlərdə valideynləri maraqlandıran suallar cavablandırılıb.
