Sumqayıtda fəaliyyət göstərən 9 nömrəli sərnişin avtobusu ilə bağlı şikayət var.
Bu barədə Sumqayit24.az-a həmin avtobusdan istifadə edən vətəndaşlar məlumat veriblər.
Şikayətçilərin iddiasına görə, Sumqayıt - Ceyranbatan qəsəbəsi - Saray qəsəbəsi istiqamətində hərəkət edən bəzi 9 nömrəli avtobuslar Saray qəsəbəsinə getmir.
"Saat 8-ə qalır, amma avtobus Saraya getmədiyini bildirir. Tez-tez belə problemlərlə qarşılaşırıq. Səbəbini soruşanda isə sürücü bizi təhqir edir, qapını bağlayıb gedir. Saray marşurutudur, ama Saraya getmir ", - deyə vətəndaş narazılığını ifadə edib.
Məsələ ilə bağlı Sumqayit24.az-a "Sumqayıt-Nəqliyyat-1" MMC-dən açıqlama verilib.
"Sözügedən avtobus qrafikə əsasən birinci dövriyyəsini saat 20:08-də Ceyranbatanda başa vurur. Digər avtobuslar isə saat 22:00-23:00-dək fəaliyyət göstərir. Çoxsaylı müraciətləri nəzərə alaraq, yeni tədris ilində xətt üzrə dövriyyəni daha 1 dövriyyə artıracağıq", - deyə açıqlamada qeyd olunub.
