Saray qəsəbəsi, Məhərrəm Seyidov küçəsinin sakinləri uzun illərdir davam edən su, elektrik və kanalizasiya probleminin gündəlik həyatlarını çətinləşdirdiyini bildirirlər.
Məlumata görə, vətəndaşlar problemlərin xüsusilə yay aylarında daha da kəskinləşdiyini deyiblər.
Sakinlərin sözlərinə əsasən, içməli su bəzən 5-6 gün ərzində ümumiyyətlə verilmir. Bu səbəbdən onlar gündəlik tələbatlarını ödəmək üçün suyu pulla almağa məcbur qalırlar.
Elektrik təchizatında yaşanan nasazlıqların da vəziyyəti daha da ağırlaşdırdığı bildirilir.
Bundan əlavə, ərazidə hazırda kanalizasiya xəttinin çəkilişi aparılsa da, sakinlər həmin şəbəkəyə qoşulmaq üçün hər evdən 1000 manat ödəniş tələb olunduğunu iddia edirlər.
Mənbə: Baku TV
