Saray qəsəbəsində 204 yeni, tam təmirli mənzil bu gün vətəndaşların seçiminə açılır.
Sumqayit24.az xəbər verir ki, İpoteka və Kredit Zəmanət Fondu satmaq öhdəliyi ilə kirayə mexanizmi çərçivəsində Məhəmməd Əsədov küçəsində yerləşən 1, 2 və 3 otaqlı mənzilləri təqdim edib.
Mənzillər bu gün, avqustun 12-də saat 15:00-dan etibarən seçim üçün açıq olacaq. Aylıq ödənişlər 620 manatdan başlayır. Vətəndaşlar təqdim olunan yaşayış sahələrinin siyahısı ilə bu keçid vasitəsilə tanış ola bilərlər.
Mənzillərin seçimi və müraciətlərin qəbulu "Elektron ipoteka və kredit zəmanət" sistemi üzərindən həyata keçiriləcək. Seçim zamanı SİMA biometrik identifikasiya üsulundan istifadə olunacaq.
