Saray qəsəbəsində sərnişinlərin ən çox istifadə etdiyi dayanacaqlardan biri açınacaqlı vəziyyətdədir.
Sumqayit24.az-a müraciət edən sakinin sözlərinə görə, Heydər Əliyev küçəsində, "Saray-H" MTK-nın qarşısında yerləşən dayanacaq pavilyonu müxtəlif tullantılarla doludur. Ərazidə fəaliyyət göstərən köşkdən və insanlar tərəfindən atılan zibil həm pavilyonun daxilində, həm arxa hissəsində, həm də oturacaqlarda toplanıb.
Vətəndaş vəziyyətlə bağlı köşkə xəbərdarlıq etdiyini bildirib:
"Orada dayanmaq olmur. Köşkə xəbərdarlıq etmişəm, deyirlər ki, həmişə bura qoyuruq, qoyacağıq da. Balaca uşağım var. Avtobus gözləyəndə oturda bilmirəm, zibilə görə ayaq üstə gözləyirik".
O, məsul qurumlardan dayanacağın ərazisinə normal zibil qutusunun yerləşdirilməsini və təmizlik işlərinin aparılmasını xahiş edir.
