Samur–Abşeron suvarma kanalında balıqların tələf olma səbəbi aidiyyəti qurumlar tərəfindən araşdırılır.
Sumqayit24.az Balıqçılıq və Akvakultura Mərkəzinə istinadən xəbər verir ki, hadisə ilə bağlı Balıqçılıq və Akvakultura Mərkəzi, Aqrar Xidmətlər Agentliyi, Qida Təhlükəsizliyi Agentliyi və Azərbaycan Dövlət Su Ehtiyatları Agentliyinin əməkdaşları əraziyə baxış keçiriblər.
Qeyd edilib ki, Samur–Abşeron suvarma kanalı balıq yetişdirilməsi üçün nəzərdə tutulmayıb.
Ərazidə ilkin sorğular aparılıb, sudan və balıqlardan nümunələr götürülərək müvafiq laborator müayinələrə göndərilib.
Xatırladaq ki, bir müddət öncə Saray bağlarından keçən Samur–Abşeron suvarma kanalında balıqların tələf olması ilə bağlı məlumat vermişdik.
