SDU-nun tələbələri müsabiqədə iştirak ediblər. Bu haqda 13 may tarixində Sumqayıt24 xəbər verir.
“Ən yaxşı təqdimat” müsabiqəsi “Heydər Əliyev və müasir Azərbaycan gəncliyi” mövzusuna həsr olunub. Müsabiqəyə təqdim edilən mövzular münsiflər heyətinin üzvləri tərəfindən qiymətləndirilib.
Nəticələrə əsasən, Tarix və coğrafiya fakültəsinin 3-cü kurs tələbəsi Rəhman Hacıyev I yerə, Mühəndislik fakültəsinin 3-cü kurs tələbəsi Səkinə Babayeva II yerə, İqtisadiyyat və idarəetmə fakültəsinin 1-ci kurs tələbəsi Nərmin Möhsünlü III yerə layiq görülüblər.
Qeyd edək ki, müsabiqədə yer tutan tələbələr SDU-nun Fəxri Fərmanı və pul mükafatı ilə, fərqlənən tələbələr isə həvəsləndirici sertifikatlarla təltif olunacaqlar.
