Sumqayıt Dövlət Universitetində (SDU) Keyfiyyət təminatı və strategiya şöbəsi ilə 1-ci kurs tələbələrinin görüşü baş tutub.
Sumqayit24.az xəbər verir ki, görüşün əsas məqsədi təhsilalanları şöbənin əsas fəaliyyət istiqamətləri barədə məlumatlandırmaq olub.
Tədbirdə eyni zamanda təhsilalanlarla müvafiq şöbə arasında kommunikasiyanın gücləndirilməsi məqsədilə istifadə olunan vasitələr (təklif qutusu, açıq qapı günləri və s.), tələbələrə təqdim olunan müxtəlif dəstək xidmətləri (mükəmməllik mərkəzi, psixoloji dəstək xidməti və s.) haqqında məlumat verilib. Sonda iştirakçılar tərəfindən ünvanlanmış müxtəlif məzmunlu suallar cavablandırılıb.
