Sumqayıt Dövlət Universitetində (SDU) “İqlimin İdarəolunması Məktəbi” keçiriləcək.
Sumqayit24.az xəbər verir ki, tədbir Oksford Universitetinin (Saïd Biznes Məktəbi) dəstəyi ilə 15-16 noyabr tarixlərində baş tutacaq. Təlimçilər sırasında SDU, Oksford Universitetinin Saïd Biznes Məktəbi, “Earth Day Network” beynəlxalq təşkilatı və Burjeel Holdinqin nümayəndələri yer alacaq.
Tədbirdə qlobal iqlim dəyişiklikləri, iqlim idarəetməsinin biznes strategiyasına inteqrasiyası, dünyanın aparıcı sənayelərinin ən yaxşı təcrübələri və bu kimi digər mövzular üzrə təlimlər həyata keçiriləcək.
