Sumqayıt Dövlət Universitetində “İnnovasiya Yaradıcılıq Mərkəzi”nin yaradılması və səmərəli fəaliyyəti ilə bağlı görüş keçirilib. Bu barədə 29 avqust tarixində sdu.edu.az-a istinadən xəbər veririk.
Tədbir təhsil müəssisəsinin kiçik akt zalında təşkil olunub. SDU-nun Elm və innovasiyalar üzrə prorektoru professor Ramazan Məmmədov çıxış edərək iştirakçıları salamlayıb, innovasiya yaradıcılıq mərkəzlərinin yaradılmasının əhəmiyyətindən bəhs edib.
Həmçinin burada müasir innovativ texnoparkların yaradılması və səmərəli fəaliyyətinin təşkil edilməsi istiqamətində Türkiyə Respublikasının Milli Eğitim Bakanlığının nümayəndəsi, beynəlxalq mentor Hakan Özkaynak çıxış edərək bu istiqamətdə görülən və görüləcək işlər barədə danışıb.
Görüşün sonunda SDU-da yaradılacaq İnnovasiya Yaradıcılıq Mərkəzi ilə müəssisələr arasında gələcək əməkdaşlıq barəsində müzakirələr aparılıb.
