2026/2027-ci tədris ili üçün ali təhsil müəssisələrinin II ixtisas qrupu üzrə illik təhsil haqlarında dəyişikliklər edilib.
Dövlət İmtahan Mərkəzinin (DİM) "Abituriyent" jurnalında dərc olunan 2025 və 2026-cı illər üzrə qəbul planlarının müqayisəsi bir sıra universitetlərdə təhsil haqlarının artırıldığını göstərir.
Belə ki, Sumqayıt Dövlət Universitetində (SDU) II qrup üzrə əsas ixtisasların əksəriyyətində illik təhsil haqqı 2000 manatdan 2100 manata yüksəlib.
Beynəlxalq ticarət və logistika, biznesin idarə edilməsi, iqtisadiyyat, maliyyə, marketinq, menecment və mühasibat ixtisasları üzrə illik ödəniş 2100 manat müəyyənləşdirilib.
Turizm işinin təşkili ixtisasında isə təhsil haqqı 1800 manatdan 1900 manata qaldırılıb.
Qeyd edək ki, SDU ilə yanaşı 2026/2027-ci tədris ili üçün II ixtisas qrupu üzrə təhsil haqlarında artım Azərbaycan Texniki Universiteti, Bakı Mühəndislik Universiteti, Lənkəran Dövlət Universiteti, Azərbaycan Kooperasiya Universiteti, Azərbaycan Universiteti, Bakı Avrasiya Universiteti və Odlar Yurdu Universitetində də nəzərə çarpır.
Mənbə: Modern.аz
