Sumqayıt Dövlət Dram Teatrında "Baş rolda: Gənclik!" layihəsinin təqdimat mərasimi keçirilib.
Sumqayit24.az-ın məlumatına görə, proqram Gənclər Fondunun "İdeyanı Reallaşdır-2023" Gənclərin Fərdi Layihələr üzrə Qrant müsabiqəsinin qalib layihəsi olaraq ARGF-nin maliyyə dəstəyi, Sumqayıt Dövlət Universiteti Tələbə Həmkarlar İttifaqının və Sumqayıt Dövlət Dram Teatrının əməkdaşlığı çərçivəsində baş tutub.
Layihə müddətində "Səhnə danışığı" üzrə 5 təlim, "Aktyorluq sənəti" üzrə 5 təlim həyata keçirilib. Yekun təqdimat mərasimində isə M.F.Axunzadə və H.B.Zərdabinin əsərləri və məktublaşmaları əsasında hazırlanmış "Hekayəti Vəkili Milləti-Naməlum" əsəri səhnələşdirilib.
Qeyd edək ki, Sumqayıt Dövlət Universitetinin II kurs magistrantı Ayşə Əmrahovanın rəhbəri olduğu layihədə 94 gənc təlimlərə qoşulub, 70 nəfər isə serifikatlara layiq görülüb. [modula id="64222"]
