Sumqayıt Tibb Mərkəzinin (STM) neyrocərrahları simpoziumda iştirak ediblər. Bu haqda 3 iyul tarixində Sumqayıt24 STM-ə istinadən məlumat verir.
Ümummilli lider Heydər Əliyevin 100 illiyinə həsr olunmuş Azərbaycan Neyrocərrahlarının simpoziumu keçirilib. Tədbirdə müasir dövrdə neyrocərrahiyyənin ən aktual məsələlərindən bəhs olunub, mövzular ətrafında geniş müzakirələr aparılıb. STM-in Təcili Tibbi Yardım Xəstəxanasının həkim-neyrocərrahları Emin Yaqubov və Könül Ağazadə "Neyrotravma xəstələrinə multidisiplinar yanaşma" mövzusunda çıxış ediblər.
Simpoziumun məqsədi neyrocərrahlar arasında əməkdaşlıq, fikir mübadiləsi, təcrübələri bölüşmək, həmçinin yeniliklərlə tanış olmaqdır.
