“Azərsu” ASC Novxanı və Saray qəsəbələrinin bir hissəsinin su təchizatı və kanalizasiya sistemlərinin yenidən qurulması işləri üçün açıq tender elan edib. Bu haqda Report-a istinadən xəbər veririk.
Məlumata görə, tenderlərdə iştirak haqqı 500 manatdır. İddiaçılar ilkin sənədləri 25 aprel saat 16:00-a qədər, tender təklifi və onun dəyərinin 1%-i qədər bank təminatını isə 6 may saat 16:00-a qədər “Azərsu”nun baş ofisinə təqdim edə bilərlər.
Qeyd edək ki, təkliflərə 10 may saat 16:00-da baxılacaq.
