Sumqayıt bələdiyyəsinin sədr müavini Türkiyənin Ankara şəhərində keçirilən 3-cü Beynəlxalq Keçiören Türk Dünyası Festivalında iştirak edib.
Sumqayit24.az xəbər verir ki, Azərbaycan nümayəndə heyətinin tərkibində Orxan Adıgözəlzadə ilə yanaşı, Azərbaycan Şəhər Bələdiyyələrinin Milli Assosiasiyasının və Nərimanov bələdiyyəsinin sədri Təmraz Tağıyev, Tovuz və Yevlax bələdiyyələrinin sədrləri, eləcə də Binəqədi bələdiyyəsinin sədr müavini və AŞBMA-nın nümayəndəsi yer alıblar.
Səfər çərçivəsində nümayəndə heyəti Keçiören bələdiyyəsində görüş keçirib. Görüşdə bələdiyyələr arasında əməkdaşlığın genişləndirilməsi, təcrübə mübadiləsi və birgə layihələrin həyata keçirilməsi məsələləri müzakirə olunub.
Daha sonra nümayəndə heyəti Keçiören bələdiyyəsi və TÜRKSOY-un təşkilatçılığı ilə keçirilən festivalda iştirak edib. Tədbirdə Türk dünyasının müxtəlif ölkələrindən nümayəndələr, o cümlədən Azərbaycandan mədəniyyət və incəsənət təmsilçiləri iştirak ediblər.
