Misli Premyer Liqasının 2-ci turunun "Sabah" - "Sumqayıt" matçı təxirə salınıb.
Sumqayit24.az xəbər verir ki, bu barədə "kimyaçılar"ın mətbuat xidməti məlumat yayıb. Bildirilib ki, ölkəmizi UEFA Çempionlar təmsil edən "Sabah" FK turnirdəki iştirakına daha yaxşı hazırlaşmaq məqsədilə görüşün təxirə salınması barədə "Sumqayıt"a müraciət edib.
"Sabah" klubunun rəsmi müraciətini nəzərə alan "Sumqayıt" klubu ölkə idmanının beynəlxalq səviyyədə daha yaxşı təmsil olunmasını əsas götürərək müraciətə müsbət cavab verib.
Beləliklə, Misli Premyer Liqasının 2-ci turunda keçirilməsi nəzərdə tutulmuş "Sumqayıt" - "Sabah" oyunu təxirə salınıb. Görüşün yeni tarixi ilə bağlı əlavə məlumat PFL-in saytında veriləcək.
"Sumqayıt" Futbol Klubu olaraq ölkəmizi avrokuboklarda təmsil edən klublara uğurlar arzulayırıq!", - deyə məlumatda qeyd olunub.
