Sumqayıtda fəaliyyət göstərən məhkəmələr vakansiyalar elan edib. Sumqayıt24 bu haqda 15 may tarixində Dövlət İmtahan Mərkəzinə (DİM) istinadən xəbər verir.
Sumqayıt Şəhər Məhkəməsində hakimin köməkçisi vəzifəsi boşdur. Aylıq maaşı 495 manat olan işin qulluq funksiyaları aşağıdakılardır:
- Məhkəmə qərarlarının layihələrinin hazırlanmasının təmin edilməsi;
- İcraatda olan işlərin və hakim tərəfindən verilmiş tapşırıqların vaxtında icrasının təmin edilməsi;
- Məhkəmə qərarlarının çap edilməsi, lazımi sayda çoxaldılması, aidiyyəti üzrə göndərilməsinin təmin edilməsi;
- İcraatında olan işlərin təkmilləşdirilməsi istiqamətində təkliflərin verilməsi və s.
Şərtlər:
- Hüquqşünaslıq ixtisası üzrə ali təhsil;
- İş stajına dair tələblər yoxdur;
- MS Windows, MS Office, internetdən istifadə (orta səviyyədə) bilikləri;
- Xarici dil biliklərinə dair tələblər yoxdur.
Xüsusi qeydlər və iştirak hüququ barədə məlumatla qurumun rəsmi
saytında tanış olmaq olar.
Sumqayıt Apellyasiya Məhkəməsində isə məhkəmə iclasının katibi vakansiyası var. Aylıq vəzifə maaşı 840 manatdır.
Qulluq funksiyaları:
- Qanunla müəyyən edilmiş müddət ərzində məhkəmə iclas protokollarının yazılmasının, imzalanmasının təmin edilməsi və s.;
- Cinayət və mülki-prosessual qanunvericiliyə müvafiq olaraq, müəyyən edilmiş müddət ərzində məhkəmə iclasına çağırılmalı olan şəxslərə lazımi sənədlərin, bildirişlərin və çağırış vərəqələrinin göndərilməsinin təmin edilməsi;
- Məhkəmə iclasına çağırılanlardan kimin gəlib-gəlmədiyini, gəlməyənlərə bildirişlərin, çağırış vərəqələrinin verilib-verilmədiyini və onların gəlməmələrinin səbəbləri barədə nə kimi məlumatların olduğunu aydınlaşdıraraq hakimə məruzə edilməsi;
- Hakimin göstərişi ilə cinayət və mülki-prosessual qanunvericiliklə müəyyən edilmiş şəxslərin işin materialları ilə tanış olması, onlardan çıxarışlar edilməsi və surət çıxarmaq üçün şərait yaradılması.
Şərtlər;
- Hüquqşünaslıq ixtisası üzrə ali təhsil;
- İş stajına dair tələblər yoxdur;
- MS Windows, MS Office, internetdən istifadə (orta səviyyədə) bilikləri;
- Xarici dil biliklərinə dair tələblər yoxdur.
Ətraflı məlumat üçün
exidmet.dim.gov.az linkinə keçid edin.
