Sumqayıtda yaşamış tanınmış şair Əşrəf Veysəllinin vida mərasimi keçirilib.
Sumqayit24.az xəbər verir ki, Sumqayıt şəhər Poeziya Evində təşkil olunan mərasimdə Sumqayıt Şəhər İcra Hakimiyyətinin başçısı Zakir Fərəcov, şəhər ictimaiyyətinin nümayəndələri, şair və yazıçılar, ziyalılar, mərhumun ailə üzvləri, yaxınları və sənət dostları iştirak ediblər.
Qeyd edək ki, Əşrəf Veysəlli iyunun 5-i tarixində "Sumqayıt Hospital"da dünyasını dəyişib.
Məlumat üçün bildirək ki, Əşrəf Veysəlli 1938-ci ildə Füzulinin Yuxarı Veysəlli kəndində anadan olub. Hərbi xidmətdən sonra Azərbaycan Dövlət Pedaqoji İnstitutuna daxil olub. Təhsilini başa vurduqdan sonra Sumqayıtda işləməyə başlayıb, o vaxtdan da bu şəhərdə yaşayıb. Ötən əsrin 50-ci illərindən ədəbi mühitdə olub.
