Sumqayıtda yerləşən parklardan birində ağacların quruması əhalinin narazılığına səbəb olub.
Bu barədə Sumqayit24.az-a sakinlər məlumat veriblər.
Vətəndaşların iddiasına görə, Hacı Zeynalabdin qəsəbəsində yerləşən parkda bir sıra ağaclar baxımsızlıq ucbatından quruyub.
"Vaxtilə bura futbol meydançası idi. Daha sonra ağaclar əkildi və park salındı. Hazırda isə ağaclar qurumuş vəziyyətdədir", - deyə sakin bildirib.
Sumqayıtlılar aidiyyəti qurumlardan bu məsələyə diqqət yetirilməsini və problemin həlli istiqamətində addım atılmasını tələb edirlər.
Məsələ ilə bağlı aidiyyəti quruma sorğu ünvanlanıb.
