Sumqayıt ŞİH-in əməkdaşları Polşanın Belostok şəhərinə səfər ediblər. Bu haqda bu gün, 28 iyun tarixində icra hakimiyyətinin saytına istinadən xəbər veririk.
“Şəhər günü”nə həsr olunmuş bayram tədbirlərində Sumqayıt ŞİH başçısının birinci müavini Teymur Səmədov və qurumun digər nümayəndələri iştirak ediblər. Səmədov, çıxışında, Zakir Fərəcovun adından Belostok şəhər sakinlərini bayram münasibətilə təbrik edib.
Belostokun meri Tadeuş Truskolyaskiyə Sumqayıt şəhər icra hakimiyyətinin başçısının adından hədiyyələr təqdim olunub.
Sumqayıt dünyanın 20-yə yaxın şəhəri ilə qardaşlıq və tərəfdaşlıq əlaqələri qurub. Onların sırasında 2013-cü ilin avqust ayında dostluq və əməkdaşlıq haqqında imzalanan Niyyət Protokoluna əsasən Polşanın Belostok şəhəri də var.
