Sumqayıtda qəza zamanı bir neçə nəfər xəsarət alıb. Bu barədə 4 oktyabr tarixində Sumqayıt24 xəbər verir.
Hadisə dünən axşam saatlarında 12-ci mikrorayon ərazisində baş verib. Koroğlu prospekti ilə hərəkət edən “Lada”, “Range Rover” və “Kia” markalı avtomobillər toqquşub. Nəticədə üç nəfər yaralanıb, onlardan biri ağır xəsarət alıb.
Əraziyə Təcili Tibbi Yardım və polis əməkdaşları cəlb olunublar. Qəzanın baş verdiyi yer məhdudlaşdırıcı lentlərlə bağlanıb.
