Sumqayıt Dövlət Dram teatrı ilə Özbəkistanın Səmərqənd teatrı arasında memorandum imzalanıb. Bu haqda 3 iyul tarixində Sumqayıt24 teatra istinadən xəbər verir.
Əməkdaşlığın gücləndirilməsi, təcrübə mübadiləsinin artırılması məqsədi daşıyan memorandum 30 iyun tarixində Sumqayıt şəhərində imzalanıb.
Sonra Özbəkistanın incəsənət xadimləri Sumqayıt teatrının inzibati binası, qrim otaqları, texniki təchizat otaqları ilə tanış olublar.
Tanışlıq zamanı yaradıcılıq planları, gələcək əməkdaşlıq imkanları barədə müzakirələr aparılıb.
